يوم 29 سبتمبر 2017 ايلون ماسك ال CEO و Lead Designer لشركة Space x. جاب علماء ناسا و صحفيين و قعدهم قدامه و عمل live feed للعالم كله. بيشرحلهم بالتفصيل الممل لمدة ساعة و نص تقريبا:خطته اللي هتخلي الانسان يمشي على المريخ في 2024!!.
كان جزء من الخطة دي و اول خطوة فيها هو نجاح اطلاق و هبوط فالكون هيفي. اقوي صاروخ في العالم بفارق الضعف. و ده حصل فعلا يوم 6 فبراير 2018.و طبعا علشان ايلون ماسك هو برضه صاحب شركة تسلا اللي عملت ثورة في العربيات الكهربائية. قرر ايلون ماسك انه يحمل الصاروخ ده بعربيته التسلا الشخصية. اللي راكبها مانيكان لابس البدلة الفضائية اللي طورتها space x. و مشغلة اغنية ديفيد بوي من الساوند تراك بتاع فيلم hitchhiker‘s guide to the galaxy. انا مشفتش في حياتي حاجة cool كده بصراحة.
الاطلاق التاريخي تم من قاعدة كيب كانافرال. اللي كانت القاعدة الاساسية لمهمات القمر في الستينات و السبعينات.
كل ده ولا حاجة بالنسبة للمنظر ده
ليه انا شايف ان ده احلى حاجة في الموضوع ؟. الحلوين اللي نازلين بتزامن كئنهم بيرقصوا هم ال side boosters بتوع الصاروخ. ده معناه ان الشركة هينفع تستخدمهم تاني. و ده اللي هيخلي تكلفة رحلة الصاروخ تقل بنسبة %70. و برضه معناه ان الصاروخ اللي هيودي الانسان المريخ ده, هيرجع الارض تاني يجيب ناس اكتر و مؤن و ادوات لاستعمار المريخ فعلا.
تاني احلى حاجة حصلت
مش معنى انهم علماء صواريخ انهم يبقوا مملين. بدل ما يختبروا حمولة الضاروخ ببلوكات اسمنت زي ما ناسا بتعمل. space x اختاروا انهم يختبروها بعربية ايلون ماسك الشخصية. و اطلاقها في مدار لا نهائي حوالين المجموعة الشمسية و اغنية ديفيد بوي شغالة.
شوية مواصفات على الماشي كده
الصاروخ ممكن يودي حمولة 140000 باوند لمدار الارض القريب, او 37000 باوند للمريخ, او 7700 باوند لبلوتو الحمولة دي هي ضعف اي حمولة موجودة في العالم دلوقتي. و الرحلة الواحدة بتتكلف تلت السعر.
اول زبون حاجز فالكون هيفي هو السعودية اللي هتطلق عليه القمر الصناعي عرب سات A6.
شركة space x و مؤسسها ايلون ماسك هم مصدر الهام لكل المهتمين بعالم الاعمال والشركات الناشئة. علشان هم مثال حقيقي للطموح اللي مالوش سقف و العمل الممنهج و الخطة الواضحة. اللي بيدعمهم شغف كبير باين في عنين اي حد شغال هناك.
احنا في startupsgalaxy.com حلمنا هو اننا في يوم من الايام نساعد شركة ناشئة عن طريق موقعنا انها توصل لاكبر عدد من الناس و تحقق رؤيتها الطموحه اللي واحد زي ايلون ماسك اثبت بالدليل ان ما حتى السما ما ينفعش تكون سقف لطموحاتك.
