اسهل لطريقة لتصليح اي حاجة عطلانة في بيتك
الشهر اللي فات جاتلي فاتورة المياه ب 1200 جنيه مصري، اتسندت على المحصل وقلتله ليه كده بس، انا زعلتكم في حاجة؟ قالي استهلاكك عالي يا أستاذ يمكن يكون في حاجة بتسرب عندك. افتكرت ساعتها ان حنفية المطبخ بتنقط من شهرين, و افتكرت الخمس سباكين اللي كلمتهم و ماجوش و قلت حسبي الله و نعم الوكيل.
المهم فتحت جوجل (صديق الانسان) و قلتله يا عم جوجل عاوز سباك في التجمع, قام مطلعلي كنز: شركات ناشئة عندهم صنايعية و حرفيين في كل المجالات في كل مكان في القاهرة من اول اشطر كهربائي سلسيون في التجمع, مرورا ب احسن فني تكييف و تبريد في المعادي, لحاد انبغ نجار باب و شباك في 6 أكتوبر.
و بما اني مؤمن جدا بدور الشباب و الشركات الناشئة في مصر كنت متأكد اني هلاقي الحل عندهم. و بعد ما قعدت اذاكر مين احسن شركات فيهم عملت ليستة بأحسن ٣ شركات ناشئة بتوفر خدمة حجز فنيين خدمات صيانة في مصر و اهم المميزات في كل واحدة فيهم:
تاسكتي Taskty
View Taskty Profile on startupsgalaxy here.
بدأت في السوق المصري سنة 2012 و قدرت تجمع استثمارات من مختلف دول العالم.
اهم المميزات:
- موقع وابليكيشن سهل الاستخدام
- عندهم ضمان على الخدمات اللي بيقدموها
- مجال واسع جدا من الخدمات بيوصل انه يقدملك خدمة التصوير الفتوغرافي للمناسبات
- عندهم قسم خاص للعروض المخفضة للخدمات فمثلا تقدر تجيب نقاش يعملك وش نضافة في البيت ب 12 جنيه للمتر او تكشط و تلمع باركيه بيتك ب 50 جنيه بس للمتر! ده غير عروض تانية كتير على نقل الأثاث والمحارة على سبيل المثال.
فلخدمة FilKhedma
View FilKhedma Profile on startupsgalaxy here.
بدأت في 2014 في منطقة التجمع و أسسها عمر رمضان اللي معاه ماجيستير في إدارة الاعمال من جامعة وارتون الامريكية.
اهم المميزات:
- دعم كول سنتر
- بتقدر تعرف السعر قبل بداية الشغل
- مهتمين جدا بالفحص الأمني للحرفيين
فكساوي Fixawy
View Fixawy Profile on startupsgalaxy here.
بدأت فكساوي كفكرة ما بين صحاب في 2015 و قدروا انهم يعملوا لنفسهم شعبية كبيرة في وقت قليل عن طريق المميزات دي.
اهم المميزات:
- بتنقي الصنايعي بنفسك و بتقرأ عنه تقييمات و بتتعرف على سعره
- لو انت داخل على شغلانة كبيرة وتشطيب تقدر تحسب كمية وتكلفة الخامات من حاسبة موجودة على الموقع نفسه
- بتقدر تعمل تقييم للصنايعي اللي جايلك و ده بيخلي الصنايعي خايف اكتر على شغله
الشركات الناشئة في مصر عملت حلول لكل مشكلة بنواجهها تقريبا, و الشباب اللي اسسوا الشركات دي مجتهدين و تقريبا علطول فاهمين شغلهم كويس. startupsgalaxy.com جمعت كل الحلول اللي بتقدمها الشركات دي في مكان واحد, علشان لو واجهتك اي مشكلة تقدر تدخل علطول على startupsgalaxy.com و تدور على الشركة المتخصصة في المجال اللي انت عاوزه, و ممكن تتكلم مع خدمة العملاء في الموقع و هم هيرشحولك الشركة المناسبة, او حتى ادخل من وقت للتاني شوف ايه الجديد اللي هيسهل حياتك و ما تعملش زيي و تستنى لما فاتورة المياه تجيلك ب 1200 جنيه.
