هتفرق؟
بصراحة مش هتفرق كتير، والموضوع اللي شاغل العالم كله اليومين دول هي القائمة السوداء للشركات الصينية اللي غرفة التجارة الأمريكية أضافت لها شركة هواوي من كام يوم وتأثير ده علينا إيه كمستخدمين للتكنولوجيا عمومًا، وكمُستخدمين لهواتف هواوي خصوصًا.
سبب المشكلة اللي هيأثر علينا بشكل مباشر هو:
هو انحياز من جانب شركات أمريكية أخرى لل (Huawei-Ban) زي ما أطلقوا عليه وأبرز الشركات دي (Google, Intel, Qualcomm)
Source: mag.elcomercio.pe
يعني الهواتف اللي مع المستخدمين فعليًا أو في المحلات واللي في المخازن لن تحظى بخدمات الشركات دي من دعم وتحديث وكل حاجه تانية بصراحة. اتقفل عليهم كده وبقوا في عزلة، طبعًا الكلام ده بعد فتره السماح ال 90 يوم اللي حددتها غرفة الصناعة الأمريكية.
بعدين ايه اللي حصل؟
بعد ال 90 يوم دول، شركة هواوي نشرت في كل مكان وعلى صفحاتها الرسمية ووعدت إنها سوف تواصل توفير تحديثات الأمان اللي اصلاً كانت هي اللي بتوفرها في المقام الأول. مفيش شركة هواتف ذكية بتقوم ببيع الHardware و Google هي اللي بتقوم بتحديث الSoftware مفيش شك إن Android مملوكة ل Google و Android هو برنامج OS للهواتف الذكية Android مفتوح المصدر (Open-Source).
يعني هواتف هواوي هتقدر تشتغل بيه حتي بعد القرار الأمريكي مش زي ما كل الناس فاكرة لأنها تعمل على إصدارات لنظام التشغيل Android خاص بيها زيها زي Xiaomi و Oppo وهواوي هتفضل تدعم مستخدمي هواتفها بالتحديثات المطلوبة. الموضوع هيتاثر غالبًا في Google Maps Google Play store, G-mail, والتطبيقات الأخرى لشركة مايكروسوفت زي ال Outlook طبعًا.
وكل دة له بدائل مفتوحه المصدر علشان محدش يتحكم فينا 😀 زي
بدل ال Play store في Aptoide بستخدمه لما بحب أرجع لنسخة من تطبيق أقدم من الحديثة الموجوده على ال Play store لان Aptoide عليه كل نسخ أي تطبيق هتلاقيه من أول إصدار نزل عليه لأحدث إصدار.
بدل ال Microsoft Office أنا شخصيًا بستخدمه WPS Office .
يتبقى لنا شيء واحد هيعمل أزمة وأعتقد في الأول بس بعد كده هيتم تداركها بس بعد وقت ليس بالقليل وهو ال Google Maps. إيه البديل ولأي طريق هتتجه هواوي مش واضح دلوقتي، في بدائل لخرائط مفتوحة المصدر كثيرة لكن مش بنفس الكفائة والفاعلية، ومما لا يدع مجالاً للشك إنهم في مأزق.
لكن هم نفسهم قالوا قبل كده إنهم بيعملوا على نظام تشغيل خاص بيهم علشان يبعدوا عن المشاكل دي، الصراحة خطوة لاتبشر بخير ولنا في Nokia, BlackBerry عبره ودرس.
الHardware
بالنسبه للHardware اللي موجود في هواتف هواوي الخاص بالمعالجات اللي معظم مصنعين الهواتف الذكية بيستخدموها مش بتكون Intel أو Qualcomm لكن معالج اسمه Kiren ودة خاص بيهم وهم شغالين بيه.
طيب فين المشكلة؟ المصيبة مش المشكلة إن باقي الElectronic chips وأجزاء ال hardware كلها الثانية لن تستطيع العمل مع بعضها البعض ومع المعالج أياً كان نوعه من غير ال Electronic chips بتاعت شركة ARM وهي شركه تمتلك 50% من السوق كله بتاعها ومن ضمن ال 50% دول 100% من سوق الProcessors والElectronic chips وال hardware بتاع أكثر من 90% من شركات الكمبيوتر والهواتف المحمولة.
ARM هي شركة بريطانية، لكن معظم الرسومات الهندسية اللي بيشتغلوا بيها في الChips بتاعتهم مملوكة لشركات أمريكية، فالنهارده ARM نشرت مذكرة داخلية لجميع موظفيها لوقف العمل على أي مشروع له علاقة بهواوي، ودي فعلاً هي المشكلة الوحيدة التي لو لم تُحَل خلال فترة ال 3 أشهر سماح هواوي هتكون فعلاً في موقف لا تحسد عليه.
حد سمعني؟
آخر حاجه ده نداء لل Ecosystem ولل open source Community خصوصًا نرجو إنه يكون عندنا نظم تشغيل وHardware تكون 100% مفتوحة المصدر مش حتة وحتة. مش ممكن أقعد أبحث وأفكر علشان استثمر مبلغ مش قليل في تليفون البسه علشان بلدين بعيد عني قفشوا على بعض.
وأنا مالي انا.
