ليه glovo سابت مصر فجأة؟
أكيد فى يوم كنت نسيت مفاتيح العربيه عند واحد صاحبك ولأنه ساكن فى التجمع وأنت في أكتوبر. فقلت ياه لو فى حد يقدر يوصلك المفاتيح من عند صاحبك لحد عندك، وفي أسرع وقت وأقل تكلفة! أحب أعرفك إن كان فى startup بتعمل خدمات زي كده اسمها جلوفو (glovo).
في المقالة دي هتكتشف معلومات وأسرار كثيرة جديدة فركز وصحصح كده معايا.
بس قبل ما أقولك السبب هقولك تاريخ جلوفو (glovo) سريعا كده وازاي تأسست.
تاريخ جلوفو
شاب أسباني عنده 23 سنة اسمه (اوسكار) اتعرف على شريكه (ساشا) اللي عنده 44 سنة ، الفكرة أن أوسكار كانت بيشتغل فى امريكا، وده اداله فرصة للتعرف على ثقافات وأفكار مختلفة بيزنس، فشاف شركة هناك اسمها postmates، وهي شركة كبيرة لتوصيل الطلبات فى أمريكا. وقال أن فكرة زي كده لو اتعملت فى اسبانيا هتنجح جدا. وفعلا حصل تعاون مابينهم وخدوا action وبدأوا فى 2015 وكان شعارهم بنوصلك أي حاجه للبيت فى خلال ساعة.
أي حاجة ؟
— أي حاجة
طبعا جلوفو نجحت نجاح غير متوقع ،لدرجة أن هما دخلوا أكثر من 20 دولة خلال 3 سنين .ووصل أن هما فى 2018 كانوا بيفتحوا فرع ليهم فى دولة جديدة كل 4 ايام.
جلوفو في مصر
جلوفو دخلت مصر فى 2018 ونجحت نجاح كويس جدا وقدرت تنافس شركة otlob.
لحد مافي يوم اتفاجئنا أن جلوفو هتسيب مصر، وده كانت فى شهر ابريل اللي فات طيب ايه اللي حصل ايه الكواليس ؟؟؟
بص يا سيدي دلوقتى فى شركة اسمها Delivery Hero شركة ألمانية. الشركة دي تعتمد على استراتيجية house of brands، ودي تعتمد أن هي تقعد تشتري وتستحوذ على أي شركات منافسة وعلامات تجارية كتير وتبقى هي الشركة الأم لكل الشركات دي. الشركة دي استحوذت على otlob فى مصر وشركة talabat و carriage فى الخليج.
دليفري هيرو دي لما لقيت glovo منطلقة بسرعة عاليه، قالت تستحوذ عليها أو تستثمر فيها ،وبالفعل استثمرت بمبلغ 51 مليون يورو، وبقيت صاحب اعلى نسبة فى الشركة وهي 16% ،وده معناه أن هي بقيت المتحكمة فى القرارات بشكل كبير.
تيجي جلوفو يتعرض عليها تمويل ب 169 مليون دولار، دليفري هيرو تسكت اكيد لا. فقالت لهم معندناش مشكلة نوافق على الصفقه، بس مقابل ده، هتسيبوا مصر عشان تفتح المجال أكثر ل otlob و carriage اللي هما اصلا تبع نفس الشركة. وطبعا glovo وافقت وانسحبت من مصر، مقابل أن هي تسيب المجال ل carriage و otlob.
كمل و شوف: Food Orderning: Otlob, Elmenus or Uber Eats!
مصادرنا:
https://www.deliveryhero.com/delivery-hero-continues-strong-performance-revenues-60-invests-growth/
https://www.crunchbase.com/person/osc…
https://blog.dealroom.co/interview-wi
