واحدة واحدة كده تعالوا نفهم ايه موضوع شركات التكنولوجيا المالية في مصر أو المعروف ب fintech وايه قصتها.
ممكن كمصطلح وعنوان يبقى جديد وغريب لناس كتير ومش معروف، لكن معظمنا دلوقتي وسط التطور التكنولوجي الهائل بيتعامل مع الشركات دي في أغلب تعاملاته التجارية. يعني مثلاً لما تحب تدفع فاتورة تليفونك أو تشحن رصيدك أو تدفع فاتورة الكهرباء والمياه وغيرهم، بتروح لأي سوبر ماركت وتقوله بكل بساطة وسهولة عاوز أدفع الفاتورة.
الموضوع مش بس وفر مشاوير عليك، لا ده عمل طفرة اقتصادية وتكنولوجية واتطور وامتد لمجالات تانية كتير، يعني ممكن تحجز تذكرة سفرك من خلال الشركات دي، و تحجز فندق إقامتك في أي مكان مسافر له، والحكاية ممتدة للصناعات الترفيهية لإنك تقدر تحجز تذاكر السينما أو ماتشات مهمة لفريقك المفضل من خلال تطبيقات التكنولوجيا المالية.
بداية كده التكنولوجيا المالية بقت واحدة من أهم الصناعات الأساسية في العالم كله والتى بتأثر على مجموعة كبيرة من مجالات الأعمال. وفي السنين القليلة الماضية حصل تطور كبير في التكنولوجيا المالية، وده انعكس على تطور وانتشار الشركات الناشئة و شجع البنوك والمؤسسات المالية على دمج نماذج التمويل والتكنولوجيا مع بعض وأطلقوا مفهوم الـ fintech والمقصود بيه هي شركات التكنولوجيا المالية في مصر.
طب إيه علاقة مصر بالكلام ده؟
تعتبر مصر من أهم الدول في الشرق الأوسط الجاذبة لرجال الأعمال عشان يطلقوا شركات في مجال التكنولوجيا المالية، لأن مصر كسوق تجاري قوي فيه مستهلكين كتير خاصة مع تزايد عدد السكان وبالتالي هتزيد احتياجاتهم المختلفة.
والحاجة المتزايدة على الخدمات دي أدى لنمو وتزايد شركات التكنولوجيا المالية في مصر، خاصة وإن الشركات دي بتقدم حلول كثيرة للفوترة ووسائل الدفع وبتقدم خدمات مالية كتير. وأشهر شركات التكنولوجيا المالية في الوقت الحالي في مصر هما 5 شركات حققت تغيير ملحوظ في السوق الواعد ده، والجمهور بقى يعرفها من علاماتها التجارية ومنها Vapulus, eddyPay, PayMe, Paymob و Paysky.
1- Vapulus
انطلقت شركة Vapulus سنة 2016، وأحدثت الشركة ثورة في عالم التكنولوجيا المالية، وقت ما كانت خدمة تحويل الأموال إحدى التحديات الكبيرة الموجودة في السوق. وركزت Vapulus على حل المشكلة وفرت محفظة متنقلة تسمح للمستخدمين أنهم يحولوا الأموال ويدفعوا فواتير الخدمات العامة وكمان يتسوقوا عبر الإنترنت. ونجحت شركة Vapulus أن تكون من أفضل 74 شركة عالميا في “payment gateways”.
2- eddyPay
eddyPay شركة دفع متميزة تساعد الشركات على تحويل عملياتها في جمع الأموال وتقسيمها وصرفها رقميًا، بـ توفر خيارات دفع كتير لعملائها، ويمكن للعملاء إدارة جميع معاملاتهم المالية من مكان واحد. تقدم eddyPay مجموعة متنوعة من خيارات الدفع، وتوفر العديد من خيارات الدفع البديلة من خلال واجهة مستخدم واحدة، بتوصلك لملايين العملاء في جميع أنحاء العالم، وده بـ يقدم لهم تجربة تسوق خالية من المتاعب.
2- Pay Me
الخدمة عبارة عن أداة قبول الدفع أونلاين تساعد الشركات من غير API integrations . ومع انتشار منصات التجارة الإلكترونية في مصر كان فيه مشكلة أساسية في المدفوعات بتخص الاتفاقيات التعاقدية، لكن شركة PayMe ألغت الحاجة لوجود اتفاقيات تعاقدية خاصة وسهلت النقطة دي بشكل كبير. و كمان عندهم EasyKash.
3- Paymob
واحدة من الشركات المزودة لحلول الدفع وبـ تمكن مزودي الخدمات المالية الرقمية في افريقيا والشرق الأوسط من خلال تكنولوجيا المحفظة النقالة المبتكرة الي بـ تتيح لعملائها إمكانية الوصول إلى استقبال وارسال المدفوعات بصورة رقمية.
4- PaySky
من الشركات الموفرة لحلول دفع متنوعة، وبـ تقدم مجموعة واسعة من الاختيارات للمؤسسات المالية والتجار والمؤسسات والمستهلكين في جميع أنحاء العالم وتنوي تقديم مدفوعات مبتكرة وشاملة وبأسعار معقولة وحلول تجارية تساعد كل شخص وكل مكان على الدفع واستقبال الأموال.
6- PayTabs
بوابة دفع بسيطة يمكن دمجها بسرعة مع مواقع الجارة الإلكترونية وبـ تسهل من الإيداع السريع للمدفوعات في حساب التاجر، والشركة بـ تقبل 168 عملة وتقدم لوحة معلومات ذكية للمساعدة في إدارة أعمالك عبر الإنترنت في منصة واحدة. وتم تزويد PayTabs بشهادة PCI DSS وحماية ضد الاحتيال.
