حركة نوكود هو اتجاه ابتدي من كام سنة كده و الفكرة منه تمكين اي شخص من غير خبرة فى البرمجة انه بنفذ فكرتة
انا عارف ان كلامي فى البلوج دا مش هيعجب اي مبرمج بس اي حد تاني هيستفيد منه ف كمل معايا
تخيل كده زمان كان لازم تعرف html علشان تعمل ويبسايت و لو مبتعرفش تكتب كود و عندك فكرة ويبسايت عظيمة عندك حل من الاتنين يا تجيب مبرمج و تديلة فلوس كثير يا تنسى الفكرة دي اصلا و تعيش حياتك التقليدية.
لكن مع حجات زي ورد بريس و ويكس (بغض النظر اني مبحبوش) بقي اي شخص فى العالم ممكن يعمل ويبسايت و يرفعة و الدنيا حلوة
دا المعنى الاساسي لحركة نوكود: إن اي شخص ينفذ فكرتة من غير ما يرجع لمبرمج
الفترة دي ظهرت شركات كثير بتشتغل علي الموضوع دا و فتحو لكثير فرصة تنفذ افكارهم و تجرتبها، الموضوع مبقاش بالصعوبة زي زمان و مبقاش محتكر علي المبرمجين بس.
ليه الموضوع دا هيفرق لرواد الاعمال
باستخدام برامج النوكود ممكن تجرب فكرتك فى السوق قبل ما تدخل اي مبرمج يطلب منك فلوس او يعقدهالك و يضيعلك وقتك. بكده هتقلل تكاليف بتتصرف و انت مش متاكد من منتجك لسه. دا فى ناس كثير اشتغلت بالنوكود و طلعت المنتج و كمان عملو منه فلوس. لو عايز الحاجة تتعمل صح اعملها بنفسك. دا مبدأ حقيقي و كمان زيادة فى السوفت وير لما تعملة بنفسك هتعرف ايه المشاكل و الحلول و تنفذ احلامك من غير ما حد يقولك مش هتنفع و هتاخد وقت كثير.
فوائد نوكود
– هتبقي عارف البرنامج بتاعك من اولة لاخرة و ازاي بيشتغل علشان انت العاملة بنفسك
–هتكفي نفسك يعني لو في اي تعديل بسيط هتفتح و تعدلة بايدك فى ساعتها و لو عايز تزود خدمة جديدة حتي مفيش مشكلة
–هتتعلم كتير عن ازاي البرمجة بتشتغل و تخليك فاهم لما تجيب مبرمج هو بيشتغل ازاي
–هتتعرف علي مجتمع النوكود و تزود معارفك و تنطلق في العالم
مش مصدقني؟ شوف الحاجات دي اتبنت ب نوكود
شخص واحد فى ٤ ايام عمل موقع زي تويتر بظبط. طب ايه الحلو و ايه الوحش فى الموضوع دا!
- هتبقي انت صاحب الكود
- هتعمل منتج اولي بسرعه وتنزل تختبر السوق بيه
- لو السوق طلب تغيرات هتنفز التغيرات بسرعة
- هتوفر فلوس المبرمجين
- لو اتزنقت فى اي حاجه فى الكود هتلاقي كذا حد يساعدك اونلاين
- هتتعلم ازاي تفكر زي المبرمجين
بس الدنيا مش كلها وردي و في حاجات وحشة فى حركة النوكود
- مع ان تعليم النوكود سهل بس بياخد وقت و ساعات بيكون معندناش وقت
- منصات النوكود كل يوم بتطور بس بردة لسه شغل النوكود محكوم مش حر زي البرمجة العادية
- لو محتاج خاصية معينة و النوكود مش بيعملها يبقي انسي الموضوع لحد ما الابدايت ينزل
لو عايز تبقي نوكودر جامد اتعلم كودنج
الفكرة مش فى اللغة او التفيذ لكن لو عندك فكرة عامة عن الكودنج هتلاقي نفسك بتتعلم النوكود فى ثواني و الدنيا مشيا معاك حلاوة. طبعا دا مش معناه ان نوكود هيحل مكان المبرمج، اي برنامج علشان يتطور هتجبلة مبرمجين و تحولة لكود كامل بس بيبقى بعد ما تتاكد ان النسخة التجريبية الناس حبتها. زي ما قولنا النوكود دا حركة و فيها ناس كثير و بيزيدو كل يوم و دول مثال منهم.
- Carrd: اعمل لاندج بيج فى ثواني
- Airtable: دا موضوع كبير لازم تقري فية بنفسك
- Bubble: اعمل فرونت ايند و باك اند و اشتغل
- Zapier: هيخليك توصل اي برنامج بالتاني و تخلي شغلك كله اوتوماتك
- ManyChat: اعمل ابليكيشن شاتبوت علي فيسبوك
