معقولة أوبر بكل الارقام والعربيات والمليارات دي بتخسر؟
.بص انا هحكيلك القصة من الاول
في يوم في شتاء ٢٠٠٨ والجو متكتك والدنيا بتمطر اتنين صحاب كانوا بيحضروا مؤتمر مهم. وهما خارجين قعدوا مستنيين تاكسي كتيير اوي، وهوبا جاتلهم فكرة العمر يلا نعمل ابليكشن نطلب من عليه تاكسي. و دي مش فكرة جديدة. دي قصة نجاح Kalanick و Camp.
بعد اليوم ده كل واحد منهم راح في طريق بس الفكرة كانت لسه في دماغهم. اتقابلوا في ٢٠٠٩ واتفقوا يفتحوا الشركة الي بدأت بإسم UberCab. طبعاً بدأت الشركة علي حجم كبير لان المؤسسين كان عندهم startups قبل كده، وباعوها بملايين ، فكان عندهم فكر و اصرار في النجاح اللي بيساعد رائد الأعمال.
من ٢٠١٠ ل ٢٠١٦ Uber خدت اكتر من جولة تمويلية ضخمه من اكبرهم جوله ب ٣.٥ مليار دولار من هيئة استثمارية من السعودية!

و لكن هل الارقام دي دليل أن أوبر بتكسب؟
!لا طبعاً
بص أوبر في ٢٠١٥ خسرت ٢ مليار دولار وكان دخلها حوالي مليار و ٤٠٠ الف. سبب الخسارة هي التخفيضات والتي كانت بنسبة ٤١٪ واللي تحملتها الشركة عشان تنتشر وتجيب عملاء اكتر وسواقين اكتر.
عايز تشوف مين في مصر من ال startups لحل مشاكل الموصلات زي أوبر؟ أضغط هنا.
في ٢٠١٦ أوبر قررت تقتحم سوق النقل الصيني وتنافس شركة اسمها Didi وهي الي كانت ماسكه السوق وقتها. و بعد معافرات كتير قررت أوبر تسيب المنافسة في الصين و تبيع اسهمها لشركة Didi ويحصل مابينهم اندماج ، وتخسر أوبر في صيف ٢٠١٦ حوالي ٢.٦ مليار دولار!

Source: TechNode
طيب برضوا ليه أوبر بتخسر الارقام دي؟
اول سبب طبعا هو التخفيضات الضخمة الي الشركة بتعملها عشان تنتشر اكتر وتجيب clients اكتر فالوقت الي المنافسين مش بيعملوا تخفيضات بالشكل ده.
تاني حاجه، أن أوبر تعتمد في سياستها على حاجة اسمها الأرباح الرأسمالية.

هفهمك.
أوبر ال business model بتاعها يعتمد على فكرة الانتشار والتوسع الضخم. بمعني ان كل ما يجلها أرباح ، تصرفه تاني على التوسع والتطوير والخدمات. بدل ما توزع الفلوس كأرباح على المستثمرين، وهدفها من ده ان هي تكبر رأس المال بحيث ان لو حد جه ينافسها لازم يكون معاه نفس رأس المال الي هو كبير جداً. بكده يوقف أي منافس قريب منه ودي استراتيجية اسمهاcompetitive barrier.
والاستراتيجيه دي نجحت مع شركات كتيير، هي اه الشركة بتخسر لفتره كبيره ممكن لمدة 15 سنة مثلا ،لحد ما تستحوذ على السوق، بس بعد كده الأرباح بتكون ضخمة.
ومؤخرا أوبر عملت ابليكشن UberEats وها تقتحم سوق السيارات ذاتية القيادة (self driving cars) و Uber Pool وده تطبيقا لسياسة الانتشار وفي بعض الأنباء أن أوبر تحاول تشتري Careem المنافس لها بالعالم العربي.
:مصادرنا
1- The Story of Uber, Investopedia.com, August 2018. Article link.
2-Uber Has Lost Over $1 Billion This Year, Investopedia.com, August 2016. Article link.
3- Cover Photo, Uber reportedly valued at $40 billion by investors, Fortune.com. Article and Image link.
