الإبداع بصفة عامة في أي مجال هو أهم عنصر لأي واحد بيشتغل أو طالب بيدرس، وغالبًا بنلاقي الناس المبدعة بتقضي وقت طويل وتبذل جهد كبير عشان توصل لكده.
الإبداع محتاج لبيئة مناسبة تشجع المبدع على العصف الذهني ومن هنا ظهرت فكرة الـ ” Co-working Space ” وانتشرت.
وأغلب رواد الأعمال، الطلاب والناس اللي بتشتغل شغل أونلاين عارفين كويس يعني ايه مصطلح الـ Co-working Space ، اللى بدأ ينتشر جدًا خلال الفترة الأخيرة، ونلاقي في كل مكان أكتر من Co-working Space اللي بتقدم خدمات مختلفة ومتنوعة.
وفي الـ ” Co-working Space “مساحة العمل المشتركة” تقدر تخلص شغلك، تذاكر، تقدر تأخد ورش وغيرها من الخدمات الكتير.
طب ليه الـ Co-working Space بدأ ينتشر؟
مثلاً لو عايز انترنت عشان شغلك ممكن تروح هناك وتقعد آخر روقان، لو عاوز تدي محاضرة، أو تدي درس للطلاب، أو أنت كطالب عايز تاخد محاضرة، لو فيه اجتماع مهم للشغل، وبيبقى المكان مريح ومميز عشان يسهل على رواده إنهم يقوموا بأعمالهم بكل أريحية.
وفيه كمان أماكن بتقدم لروادها خدمات تانية يعني ممكن بتلاقيها تقدم مأكولات مختلفة ومتنوعة بالإضافة للمشروبات، وفيه أماكن بتعمل ركن للقراءة عشان لو حابب تصفي ذهنك وتفصل عن العالم وتقرأ، وفيه أماكن برضة من نفسها بتقدم ورش فنية ومهنية وتدريبية، ومساحات العمل المخصصة للشركات بنظام الـ Shared Offices..
تعالوا نشوف ايه هي أفضل أماكن الـ Co-working Space في مصر:
1- AlMaqarr
ليه 3 فروع في القاهرة:
في الجريك كامبس بوسط البلد–التجمع الخامس ومصر الجديدة
وفرع في الجونة
من السهل جدًا هناك إنك تلاقي Co-working Space فيها بيئة مرنة ومريحة حتى في القاعات اللى هناك، وبتقدملك كمان جميع الدورات التدريبية اللى بتنمي المهارات والخبرات اللازمة.
AlMaqarr تعتبر واحدة من أفضل أماكن الـ “Co-working Space ” اللى بتساعد على تنظيم أحداث مهنية ترفيهية واجتماعية وبتمكن أعضائها من مواكبة أي تغييرات في عالم الابتكار، والمشهور هناك جلسات ريادة الأعمال وإدارة المشاريع ومهارات الخطابة ومهارات العرض والعديد من المجالات والمهارات المختلفة.
والمقر فيه غرف مستقلة وقاعات مؤتمرات وقاعات محاضرات، والمساحة بالكامل تسع لـ 120 شخصًا، وتتسع كل غرفة منفصلة لحوالي 15 شخصًا.
والمكان بيقدم خدمات إضافية تانية زي مثلاً نظام عرض الوسائط المتعددة يعني عشان لو حابب تعرض فيديوهات لشغلك أو تشوف فيديوهات، بالإضافة لوجود مطبخ مجهز بالكامل.
فروع القاهرة هتلاقيها في:
20 شارع الشهيد محمود فؤاد ، مصر الجديدة ، القاهرة ، مصر.
مبنى الجريك كامبس–شارع محمد محود وسط البلد
مبنى بلاتز بيزنس بارك بجوار ستاد بترو سبورت–التجمع الخامس
2- The District Egypt
العنوان: 51 ب شارع مصر حلوان، المعادى، القاهرة، مصر.
قليل لما تلاقي Co-working Space بتقدم خدمات لأصحاب المشاريع، لكن The District Egypt بتوفر الخدمات دي، وفيها مساحات شاسعة بتقدم فيها خدمات الاستقبال والخدمات اللوجيستية وخدمات تأسيس الشركات.
في المكان ده هتلاقي 25 Co-working Space مستقلة، و6 غرف للمؤتمرات بمساحات مختلفة، ومكتبة.
3- مركز الابتكار التكنولوجي وريادة الأعمال (TIEC)
العنوان: مبنى B5 ، القرية الذكية – طريق القاهرة الإسكندرية الصحراوي.
TIEC هي واحدة من المبادرات الحكومية الرائدة اللي تقدم الدعم لرواد الأعمال الشباب من خلفيات دراسية مختلفة.
المركز كمان بيقدم مجموعة واسعة من التدريبات والدورات لتغطية احتياجات ريادة الأعمال الكاملة.
وبيقدم كمان تدريبات لتطوير خطة العمل، وبيقدم استشارات قانونية ومالية ، وخدمات الحوسبة السحابية ،والدعم الفني.
مركز الإبتكار كذلك بـينظم إيفنتات مع أكبر المستثمرين لتمويل أفكار الشباب، والمركز بيشتري تقارير دراسة السوق ويقدمها إلى رواد الأعمال مجانًا“.
